مساء الخير على الجميع ورمضان كريم عليكم بامر الله

طبعا الكل عارف المنافسة الى موجودة على امازون بخصوص التجار كل واحد بيخش يبيع على التاني و المنافسة شريف فى العموما ولكن طريقة تنفذها هو الى مش شريف بالمرة ما علينا هنرجع للنقطة ده تانى

احنا النشاط بتعنا عموما فى الهاند ميد و المنتجات الصحية يعني احنا الوحدين الى بنعملها بماتريال خاصه بنا ..... الخ وطبعا احنا الى بنصور المنتجات بما انها مش موجودة فى السوق بمعني اننا مش بنخش نجبها من على جوجل وبنروح نحطلها وخلاص لا تصوير و تعب وفلوس ..... الخ يجي تاجر بمنتهى الباسطة يرفع على صورك واسم البراند بتاعك ويبع عليك عادي جدا

نيجي نكلم امازون وكان الرد ان لازم حضرتك تعمل حقوق ملكية للعلامة التجارية بتعتك تمام يا فندم تم عمل الاورق وفعلا تمت الموافقة على كامل الورق واصبحنا براند رسمي

يلا من فضلكم شيلو اى حد بيبع باسمنا لا من فضلك معلش اشتري من التاجر الاول التاجر المنافس ليك لازم تشتري منو الاول وبعدين تقدم شكوة تقول فيها ان المنتج مش بتاعك يعني لازم كده ايوة يا فندم لازم كده حاضر نشتري ونقول وفعلا المنتجات تتشال من التجار المنافسين لينا

طيب كويس جدا .... لاسف لا مش كويس جدا امازون ولوحدها وبدون اى شىء توقف البراند وترجع كل المنتجات بتاعت التاجر المنافس وكان السبب انتهاك للحقوق الفكريه وطبعا

نتكلم معاهم باى شكل مافيش رد نهائي مقنع واصلا الى بيرد ناس اجانب وانا باعت الورق كلو حكومة بالعربي ف بصراحة مش فاهم هو اصلا بيقرر غلق البراند او التعدي حصل ازاى من غير ما يكون فاهم لغه الورق

ف اصبحنا الان براند رسمي من الحكومة بس امازون مش عاوزة تعترف بيه طيب حاضر نستمر على كده وتمام نبيع على امازون مش مهم البراند وم المنافس الى بيبع كل منتجات وسارق مجهود و المنتجات الى واخدة ريت زي الزفت بسبب الماترايل الى المنافس بيبعها ماتريال زبالة علشان فرق السعر طبعا ولكن هل تسكت امازون على كده

من كام يوم عميلة طلبت اوردر من عندنا وكانت اخر قطعة وبسبب حجم الطلب طلبنا منها تغلى الطلب وتعمله تانى علشان يتم شحنه عن طريق ارميكس فعلا العميلة قامت بالغاء الطلب

ولما جت تعمل الطلب تانى كان ردها نصا كتالى

"انا الحقيقه مش مصدقه عدم المصادقيه والخداع للي حضرتكم بتعملوه انا نفذت الاوردر وهو ب١٨٠٠ وكمان كان في نظام تقسيط كويس جدا حضرتك خلتني الالغي الاوردر علشان اعمله ب٢٥٠٠ حضرتكم نصابين وانا ندمانه اني اتعملت منً الأول معاكم واكيد انا هقدم شكوه فيكم وهكلم امازون ولازم يخدوا اجراء معاكم"

ونكتشف ان فى واحد تاني بيبع باسم البراند بتعنا وهو الى مغلى سعر المنتج وطبعا بما ان المنتج كان اخر واحدة ف هو بقى لوحدة فى السوق فرفع السعر وحصل سوء الفهم ده

وبعد التوضيح للعميلة الموضوع بالكامل كان الرد كتالى

"لا شكرا انا مش عاوزها اصلا "

الخلاصة الموضوع بقى اكبر من ان واحد داخل ينافسك العملاء بقو يلغو الطلبات بسبب سياسة امازون مع التجار وده يجبنا للنقطة الى قلنا هنرجعلها تانى

طبعا مش المقصود من الكلام ان ميكونش فى منافسه على العكس تماما الموضوع ده يخلى التجار تنافس بعض والى كسبان العميل طبعا فى الاول وفى الاخر

ولكن المشكلة فى ايه اني اكون براند معايه الورق بتاعي المنتج نازل باسمي كبراند والقى واحد بنتهى البساطة بيبع باسمي و بحاجتي وبصوري فين المنافسه هنا اسماء سرقة تعب ومجهود

بالظبط زي مول كبير باسم امازون وجت امازون سمحت لك بفتح محل وانت ماجرة وهى بتاخد عمولة بمنتهى الباسطة بدل ما تجيب تاجر جمبك يفتح محل جمبك لا بدخلو جوه المحل معاك مش مهم اليافطة مكتوب عليها ايه كل المهم ان التجار تبيع بقى مش مهم يسرق مجهودك لا كل المهم انهم يبيعو وياخدو العمولة

احب اقول لامازون اهو يا فندم ولاه في طلبات ولاه في عمولة من الاساس وكثمال حي الى حصل فى الموقف المذكور وفي الف مثل ومثل على المهزلة ده الى بيخرج نهائي من سوق امازون

والى بطل يرفع منتجات جديد نهائي زينا احنا كده ولكن السواء هل هنفضل كده ؟؟

اشتغلت فترة كبيرة مع امازون امريكا وUK ومستحيل تلاقى الى بيحصل هنا كانها النسخة المضروبة تحسو امازون صيني