موضوع تقديم الفواتير اصبح اجباري على امازون وماحدش غاهم حاجة حد يفهمنا
تحيه طيبة للجميع
موضوع تقديم الفواتير اصبح اجباري على امازون وماحدش فاهم حاجة ما نوعيه الفواتير بالضبط هل فواتير الكترونية ولا فواتير ضريبة ولا فواتير عادية مع العلم ان فى تجار ضربت فواتير وحسابهم اتعطل الى فاهم يفهمنا علشان مش فاهم حاجة خالص ومش عارف اوصل لمعلومه واحدة فى الموضوع دة
موضوع تقديم الفواتير اصبح اجباري على امازون وماحدش غاهم حاجة حد يفهمنا
تحيه طيبة للجميع
موضوع تقديم الفواتير اصبح اجباري على امازون وماحدش فاهم حاجة ما نوعيه الفواتير بالضبط هل فواتير الكترونية ولا فواتير ضريبة ولا فواتير عادية مع العلم ان فى تجار ضربت فواتير وحسابهم اتعطل الى فاهم يفهمنا علشان مش فاهم حاجة خالص ومش عارف اوصل لمعلومه واحدة فى الموضوع دة
7 replies
Seller_ubPFFngwPXS9B
في الغالب الزامية الايصال او الفاتورة الالكترونية دي الموقع طبقها من نفسة علشان في لخبطة كتير في تقديم الاقرارات مع مصلحة الضرائب و هما عاوزين يريحوا دماغهم ... لان في الغالب اغلبنا لسة مش مطالبين بالتسجيل في الفاتورة او الايصال الالكتروني حاليا طبقا لمصلحة الضرائب ذات نفسها
و تقدر تستعلم عن الزامية التسجيل من جوجل .. اكتب في البحث (الاستعلام عن الممولين بقرارات الالزام بالإيصال الإلكتروني)
لو بتتعامل مع اشخاص فقط .. لازم تسجل في الايصال الالكتروني في مصلحة الضرائب .. و تشتري جهاز POS خاص بالايصالات الالكترونية و سعرة تقريبا يعدي ال 10000 جنية حسب امكانياتة و تربطه مع مصلحة الضرائب عن طريق مامور فحص من الضرائب يجي يفحص الجهاز و يربطهولك علي المنظومة ... و اي عملية بيع بتعملها علي الجهاز بتسمع في مصلحة الضرائب لحظيا ... بس لازم تعمل تكويد لكل المنتجات اللي عندك علي المنظومة الاول ... علشان كل منتج انت بتبيعة لازم يكون ليه كود مميز عندهم ... وده بيسهل عمل الاقرار الضريبي علشان كل مبيعاتك طول السنة اصلا متسجله عندهم
ولو بتتعامل مع شركات كمان لازم تسجل في الفاتورة الالكترونية و دي بتقدر تصدرها من علي البورتال اللي علي موقع الضرائب عادي و مش محتاجة جهاز POS
ان الموقع يطبق الموضوع دة اجباري دلوقتي قرار متسرع قليلا .. كان لازم يكون في مهلة اولا شهر او اثنين مثلا .. لان التقديم في مصلحة الضرائب لسه بياخد وقت و علي متضبط الدنيا عندك و تتعلم علي السيستم الجديد وتكود المنتجات اللي عندك كلها و تسجلها علي المنطومة و تبدأ تستخدمة هتحتاج علي الاقل شهر .. انا عن نفسي قفلت الحساب مؤقتا لحد مضبط الدنيا عندي .. و الله المستعان
Seller_MXsk8lBEFTYD2
انا عايز اسأل هل الكلام دا يأثر علي سحب رصيدك في اي وقت او ممكن الحساب يتقفل ومعرفش اخد فلوسي ؟
Seller_9Yzfco2CbYSUw
هى فاتورة الكترونيه بس مش مطلوب منك ترفعها الالما العميل يطلبها والكلام ده لحد دلوقتى بعد كده تقريبا 2026 هيبقى الزامى ترفع كل الفواتير حتى لو العميل مطلبهاش لو العميل طلب فاتورة الكترونيه وانت مش مسجل فاتورة الكترونيه واشتكى لامازون امازون بتردله فلوس المنتج وياخد المنتج وممكن يتعملك مشكله فى حسابك
نصيحه سجل فاتوره الكترونيه لان الضرايب ممكن تحط عليك غرامه تاخير فى تسجيل فاتوره الكترونيه الكلام ده عن تجربه شخصية ومن داخل قسم الفاتورة الالكترونيه فى مصلحة الضرائب للشركات المساهة
