فيه خانتين في اللوحة الرئيسية للمدفوعات كلنا عارفينهم وبنحبهم

(أجمالي الرصيد) و ( الأموال المتاحة ) اللي تقدر تسحبها ناو

فلو عندك في ( الأموال المتاحة ) 1000ج (مثلاً) الرقم دة كان بيزيد طبعا مع الأيام والشغل

أية الجديد اللي حصل ؟

لما حضرتك بتجدول أوردرات جديدة بتشتري بوليصة شحن ..تمام؟

ويعدي عليك المندوب يستلم وتسمع صوت الجهاز وهو بيرن أثناء الأستلام "ترريننكلوك"

وتبتهج لما تسمعها مع كل أوردر بتسلمه للمندوب "ترريننكلوك"... "ترريننكلوك"

صوتها حلو ويفتح النِفس..صح ؟

الآن... مع كل "ترريننكلوك" بتبسطك بتسمَّع فين ؟

أقولك:-

هنفترض أنك مطلع 9 أوردرات وشاري بوالص شحن بـ 500ج (مثلاً)

الـ 500 دول بيتخصموا منين ؟ وفوراً ؟

من (الأموال المتاحة) – آه والله..

بعد ما كنت متعشم في 1000جنيه ع الصُبح

الـ "ترريننكلوك" السعيدة ...خليتهم 500 ج

طيب.. أية مصير الأوردات اللي أنا سلمتها ؟

بتروح لحاجة أسمها ( المعاملات المؤجلة )..دي عبارة عن أية يعني ؟

مبالغ مؤجلة بسبب سياسات تاريخ التوصيل (!!)

لأ ماتسألش يعني أية وسيبها على الله..

اللي عنده تصحيح أو تعديل أو أضافة ياريت مايتأخرش عليا

السؤال المهم بقى :

لية أمازون عملت كدة فينا ..!؟